Jæja þá er ég búinn að vera hér í USA í nokkra daga, og þvílíkt mikið sem ég er búinn að læra á stuttum tíma.  William Hicks er ótrúlega skemmtilegur gaur sem hefur ótrúlega þekkingu á raddtækni og beitingu.  Hann hefur nefnilega spilað með svo mörgum nemendum hjá David og setið oft inni í tímum hjá honum og fylgst með.  Auk þess að hafa sjálfur sótt nokkra einkatíma.hjá honum.   Þetta er bara allveg ótrúlega mikilvægt að fá tækifæri til að vinna svona stíft með þessum tveimur mönnum.

Nú á laugardaginn mun ég svo hitta nýjustu stjörnu Metropolitan óperunnar, Eriku Sunnegardh, hún er einmitt í tímum hjá David líka, þannig að það verður vonandi skemmtileg lífsreynsla  

Annars er maður ekki að fá nóg af sól hérna, en alveg skítnóg af raka og hita sem er svosem gott.  Skrítið að maður þurfi að búa við þær aðstæður að þurfa að kæla niður íbúðina síma

Reyndar vita það nú flestir sem þekkja mig hverjar þessar fréttir eru, en svona fyrir ykkur hin sem ég hitti ekki reglulega, þá eru fréttirnar þær að Baugur Group veitti mér myndarlegan styrk til að náms í Bandaríkjunum næsta vetur.   Ég á varla til orða að lýsa ánægju minni og þakklæti fyrir þetta.   Þessi styrkur er auðvitað mikil hvatning fyrir mig að fara nú og gera mitt besta í þessum erfiða bransa, og fyrir það er ég mjög þakklátur. Takk Baugur

Nú það styttist óðum í Bandaríkjaferð, og ég er farinn að hlakka mikið til.   Ég hef aldrei verið í USA að sumri til og ég efast ekki um að það verði viðbjóðslega rakt og hræðilegt, en ég ætla að skemmta mér mjög vel eins og alltaf.  Enda er ég að fara prófa eitthvað alveg glænýtt og þá er alltaf gaman.

Og svo að öðru, næstu helgi er hún Soffía mín að útskrifast úr Háskólanum og við ætlum í kjölfarið á því að halda sameiginlega veislu.  Þetta verður voða stór veisla og ég vona bara að veðrið verði gott, því þá get ég notað 20 fermetra svalirnar mínar   En eins og alltaf gegnur þetta ekki hnökralaust fyrir sig, því flísarnar á baðherbergisgólfinu tóku upp á því um daginn að lyftast upp, þannig að ekki var hægt að loka baðherberginu, það er nú ekki hægt að bjóða gestum upp á slíkt.  En ætli það verði ekki bara eitthvað skítamix í gangi með það.  Og svo er þjónustuver Vodafone að fara flytja aðfararnótt föstudags, þannig að maður verður að vinna alla þá nótt og svo líklega á einhverju standby á Laugardeginum, en ég vona nú að við náum að skipuleggja þetta þannig að klárist á föstudaginn.

Jæja, nóg í bili frænka og svili.