Þar sem ég verð í hinum gullfallegu Bandaríkjum alla næstu viku tel ég rétt að segja frá því að ég mun reyna að gera grein fyrir því eins og síðast, en stundum er bara ekki ekki allt nógu mikilvægt til aðsegja frá því. Svo langar mig líka að benda þeim sem eru ekki eins glöggir og hinir að ég nota páskaþema á blogginu mínu allan ársins hring, þá spara ég mér það að skipta á hverjum páskum.

Mál dagsins
Þar sem ég sit hér og hlusta á Kristján Jóhannsson skúbba hverjum tóninum á fætur öðrum, verður mér hugsað til þess hversu mikil fífl sitja á alþingi Íslendinga þetta er svo sorglegt að maður getur ekki grátið. Heimskan og ruglið á alþingi okkar er orðið svo yfirgengilegt að mér finnst ganga yfir allt velsæmi. Við kusum þessi fífl, og við þurfum að lifa með þeim. Að kjósa sér þingflokk er fyrir mér eins og að kjósa hvar á jarðsprengjusvæðinu maður vill búa. Heimskan og ruglið í þessu fólki er farin að jaðra við það allra yfirgengilegasta sem manni dettur ekki í hug, því það er svo yfirgengilegt. Til hvers erum við eiginlega að kjósa??? Ég hef verið skammaður fyrir að fara ekki að kjósa, og ég bara skil ekki hvað mönnum gengur til við slíkar yfirlýsingar. Þetta er fyrir mér eins og að gefa 3 valmöguleika, annaðhvort læturðu skjóta þig eða skýtur þig sjálfur, nú eða þú velur þriðja möguleikann, að lifa og gefa þar með skít í þetta bull. Að kjósa er vissulega réttur sem ég hef sem "frjáls maður" í "lýðræðisríki", en afsakið mig ef mér finnst ekkert lýðræðislegt við það að velja hvort maður vilji borga hærri skatta eða hærri skatta, nú eða hvort maður vilji fá geðsjúklinginn Bobby Fischer, til landsins eða fá hann til landsins. Ég kominn með það mikið leið á stjórnmálum, og hvernig er farið með okkur að ég kæri mig bara ekki lengur um að taka þátt í þessu, sama hvað ég kýs, þá verða alltaf fávitar í þessu stafi, því það virðist ekki þurfi mikil gáfumenni, né heilbrigða skynsemi til að geta verið á þingi. Ég ætla því að sniðganga næstu kosningar, því hvernig sem á það er litið mun ég tapa. Þann hefur það alltaf verið á minni stuttu æfi. Ég nenni ekki að sóa mínum tíma að velja eitt vanhæft fíflið umfram annað á þetta asnalega þing okkar bananafávitanna. Þetta er bara búið að ganga of langt, of lengi. Og þetta mun allt falla um sjálft sig á endanum, sagan segir okkur það, ég bara bíð.

Hvað varðar satanistan Bobby Fischer, þá er nánast óskiljanlegt hvaða morkna drullumygla er eiginlega í hausnum á heimska alþingi. Það er svo ótrúlega margt rangt við það að hleypa þessum manni til landsins, að mér hreinlega býður við því að búa hérna, og eins ómálefnalegt og það kann að hljóma þá vil ég bara segja "fari alþingi íslendinga grábölvað alla leið í svartasta víti". Eina lýðræðið sem ég myndi beygja mig undir er ef allir íbúar landsins fengju að kjósa um svona mál með einhverskonar rafrænu kerfi sem ekki væri hægt að svindla á. En það er svosem bara heimskulegur draumur hjá mér.

Slúður dagsins
Skákmeistarinn Bobby Fischer er kominn með flott einbýlshús á Arnarnesinu, hann er einnig kominn með fast sæti í ráðgjafanefns alþingis næstu 10 árin. Aðspurður segir Sæmundur vinur hans að Bobby hafi það bara gott, og er ánægður með íslenska félagsmálakerfið, hann gefur því toppeinkun og hlakkar til að koma til Íslands. Bobby verður til að mynda skráður strax á launaskrá hjá ríkinu sem stórmeistari, og hann á að sjálfsögðu fullan rétta á því. Auk þess mun hann fá reglulegar greiðslur frá tryggingastofnun vegna örorku sem hann hlaut í fangelsi.

Ennþá er ég með flensu andskotann og ég skil bara ekkert í þessu!  Ætlar þetta ekki að fara yfirgefa mig?   Vona það, þar sem ég er að fara til USA eftir rúma viku. 

Ég hlakka ekkert lítið til að hitta David Jones og læra hjá honum enn og aftur.  Sama hvað fólk kann að segja um söngtækni, þá er þetta maður sem ég hef ekki enn séð kenna þetta vitlaust, enda nýtur maðurinn gífurlegs fylgis, sökum þess.  Shirely Verret sem er mjög flottur sópran og syngur við Metrópolitan óperuna í NY, hún segir að á öllum sínum ferli og af öllum söngkennurunum sem hún hefur haft, sé David aðeins einn af 2 kennurum sem hún treystir fyrir röddinni sinni.  Og það eru ekki slæm meðmæli.    Ég er búinn að hitta David í 3 ár og hann er gjörsamlega búinn að umbreyta söngröddinni minni á þeim tíma.   Ég er núna að breiða út boðskapinn, því mig dauðlangar að fá hann hingað til lands.  Hann er sjálfur búinn að lýsa yfir miklum áhuga á því.  En auðvitað þarf að vera hægt að tryggja kallinum nóg að gera.  
Ég er búin að plögga hann mjög mikið hér heima, og nú þegar, er Garðar Thor búinn að fara til hans, allavega tvisvar og líkaði mjög vel  Fleiri nemendur úr söngskólanum eru einnig búnir að panta tíma hjá honum.   Þetta er náttúrlega bara frábært.

Nú, ég er að fara á Agureyri, á föstudaginn til að koma öllu í stand fyrir verslun sem mitt ástkæra fyrirtæki er að fara opna þar, það verður eflaust skemmtileg stund.  Nú svo flýg ég til baka á laugardeginum klukkan 15 og ætti því að ná í tæka tíð í partýið mikla sem óperudeildin er að fara halda í Laugarásnum hinum fallega.

Slúður dagsins,
Foreldra Samtök Íslands hafa tekið þá ákveörðun að láta banna allt barnaefni með íslensku tali, þar sem þeim finnst íslenskir raddleikarar ofleika of mikið.  Þetta veldur því að börnin eru byrjuð að tala eins og fifl og það vilja ekki Foreldra Samtökin.

Ég vil þakka öllum sem sáu sér fært að mæta í Salinn sl. sunnudag.   Þetta var mjög skemmtilegt verkefni og ótrúlega lærdómsríkt.   Ég vil samt bölva til andskotans, flensu andskotanum sem er búinn að vera fastur í mér í rúmar 2 vikur.   Þetta er svo að ná hámarki núna og ég er ekki með fallega rödd þessa dagana.  En hún dugar.

Við óperudeildarliðið ætlum svo að skella okkur í sumarbústað á einn af fallegustu stöðum landsins, Laugarás í Biskupstungum, næstu helgi.  Það verður nú gaman, þar sem ég uppalinn í Laugarásnum ásamt félögum mínum í Laugaráskvartettinum.

En allavega, að allt öðru.   Ég var staddur á einhverju prógrammi í gær þar sem var verið að kenna manni að fylla inn á skattframtalið.   Hversu heimskulegt er þetta eiginlega orðið þetta skattadrasl.   Maður er að borga óhugnanlegar fjárhæðir í skatt á hverju ári, en samt þarf maður að andskotast til að gera grein fyrir öllu sem maður er búinn að gera.  Þetta er mun verri forræðishyggja heldur en andskotans reykingaaumingjarnir eru að væla yfir.  Þetta er bara dónalegt af yfirvöldum.   Mér finnst að ef maður er sjálfstæður atvinnurekandi, þá eigi maður að standa í svona bulli, en ef maður er bara einstaklingur í vinnu hjá fyrir tæki sem sannanlega borgar skattana manns, þá eigi maður bara að fá að vera í friði.   Hitt er allt borðleggjandi.   Ég meina ég keypti hús og það kostaði X mikin pening,  Það kemur fram á öllum pappírum, til hvers þarf ég að gera grein fyrir því hvernig ég keypti.   Ég keypti bara og borga mína skatta og skyldur.  Afhverju þarf að gera þetta flókið?   Ég veit að þetta er öllu flóknara en það lítur út fyrir að vera, en þetta er samt fáránlegt.

Slúður dagsins
Nú liggur ljóst fyrir að Hildur vinnur Idolið.  Þetta er einfallt að finna út þar sem búið er að svindla henni í fremstu raðir keppninnar þar sem langafi hennar er föðurbróðir afa langömmu systyrstjúpdóttur ætleiddrar móður hennar.  Þetta getur hvaða fífl sem er séð í hendi sér.

Ég vil bara byrja á að banda fólki á að mikil skemmtun er framundan á sunnudaginn nk. þar sem ég og samnemendur mínir í óperudeilds Söngskólans í Reykjavík munum setja á svið flott brot úr skemmtilegum óperum. Þarna mun heyrast ástardúettinn úr La Boheme, La Donna e Mobile, og frægasti kvartett óperusögunnar úr Rigoletto.

En áfram um tónlist, í þetta skipti verð ég að deila með ykkur leiðinlegasta lagi í heiminum úr sjónvarpsþættinum fólk. Þetta er loka lagið leiðnlega


Meira seinna, allir að hringja í salinn og panta miða.